علقت المخرجة ريما رحباني، ابنة المطربة فيروز والمؤلف والملحن عاصي رحباني، على حفل “ليلة أمل” الذي قدمه ابن عمها المنتج أسامة رحباني والفنانة هبة طوجي والعازف العالمي إبراهيم معلوف، مع إطلالة ومشاركة من الفنانة إليسا.
ريما الرحباني تهاجم إليسا وتتهمها بالنشار
كتبت على صفحتها الخاصة على موقع التواصل الاجتماعي “فيسبوك”: “يعني بيكون الواحد عايش بأمان الله ومرتاح وناسي الله اللي خلقن بيطلعلو حدا يحطّلو ع صفحتو شي ما بعرف شو فينا نسميه! والله من بعد ما شفت هالمقطع العجيب من شي إسمو متل الحلم او متل الكابوس هيك شي!”.
وأضافت:” فهمت ليه الكل كان ناطر قول شي! وما كنت ناوية لا شوف ولا قول إنما شرّف المقطع لعندي ما عاد فيني ما قول!. اللي رح قولو ما ح يكون طويل لأن مانو محرز أعطيه أكتر من كلمتين نضاف من وقتي ومن حجمو! ويمكن تتفاجاؤوا باللي رح قولو!”.
فحوى رسالة ريما لـ إليسا
وتابعت:”الحق مش ع إليسا! واليسا باللي صار ضحيّة مش مجرمة ؛ المجرم الأوّل والأخير هوّي الطبل اللي داير إليسا والتوابع ؛ومعتقد حالو بيحقلّو يتصرّف ويأذن للفنانين يغنوا أغاني فيروز ومعتقد بيحقلّو يشوّه ويبهدل هالإرث براحتو بيدون حسيب ولا رقيب!”.
وأكدت :” وهالشي كلو فقط لأن عبقري متل زياد أعاد بعض الأغاني!فإعتقد الطبل إنو هو كمان عبقري ووريث وو بدّو يعيد ووو نفس الأغاني!.. كما وإني كنت أكيدة انو إستقواء اليسا بالمرّات السابقة كان مدعوم بأذونات الطبل اللي قاعد ع المسرح! بس قد ما ذكي فضح حالو وقطع الشك باليقين!”.
واختتمت :” عدا عن إنّو ما بفهم كيف ممكن واحد يعمل حفلة كلا نشاز! بهالوقاحة!”.
إليسا ترد على ريما الرحباني
من ناحيتها علقت إليسا بطريقة غير مباشرة، وكتبت على صفحتها الخاصة على موقع التواصل الاجتماعي: (موتوا بغيظكم!! والشاطر يفهم !!!).
