نوف العتيبي
الى متى
الى متى بتظل تسمح للآخرين يقررون عنك حياتك
وأكلك وستايلك وكل مايتعلق فيك؟
لين متى بتسمح للجميع يكون كل كلمه يقولونها لك
تأثر فيك وتغير مودك ويومك للأسوء؟
لين متى بتحس أن الحياة توقف على شخص خذلك؟
لين متى بتخلي نفسك بدون ماتكون سند لها وتطورها ؟
لين متى تنطر من أحد يسعدك أو يحسن يومك للأفضل؟
لين متى بتكون عدو نفسك؟
أي عدو لها لأنك دائماً تضايقها وتقسو عليها ؟
بكلامك .. بندمك .. بأهمالك لها ..
لين متى بيكون تعاملك مع نفسك قاسي ومتعب؟
ليش ماتهتم بنفسك من غير ماتنطر أحد يعطيك الأهتمام؟
ليش ماتحسس نفسك بأن بالأوقات الصعبه بتكون
معاها وتشجعها ؟
ليش مايكون الكونترول بأيدك على نفسك؟
تتحكم بقراراتك وتتخذها بدون أي تدخل ؟
وتتحمل نتائج أختيارك مهما كان ؟
تساعد نفسك وتحفزها ؟
تطور من نفسك بدون ماتحبطها ؟
نفسك الداخليه تعكس عليك ظاهرياً خلك دائماً
تعطيها كلام يقويها .
بتلاقي نفسك أقوى ..
وأقوى ..
وأقوى ..
ومستحيل تستسلم ولاأحد يقدر يحبطك 👍🏻!
نوف العتيبي
كاتبة صحفية وروائية كويتية
